Color of the Year 2024 by Pantone

            အရောင်တွေဟာ စိတ်ခံစားမှုတွေကို လွှမ်းမိုးနိုင်သလို ခေတ်ရေစီးကြောင်းတွေကိုလည်း သတ်မှတ် ဖော်ကျူးနိုင်ပါတယ်။ အမြဲတစေ ပြောင်းလဲနေတဲ့ ဒီဇိုင်းနယ်ပယ်မှာလည်း အရောင်တွေက အဓိက နေရာကနေကို ပါဝင်နေပါတယ်။ နှစ်စဉ်နှစ်တိုင်း ဒီဇိုင်းနယ်ပယ်ကနေ “တစ်နှစ်တာရဲ့ အရောင် ကို ရွေးချယ်သတ်မှတ်လေ့ရှိကြပါတယ်။ ဒီ post မှာတော့ ကျွန်တော် က Color တွေပတ်သက်လာရင် ထင်ရှားပြီး အရေးပါတဲ့ Pantone ရဲ့ 2024 အတွက် ‌ရွေးချယ်ထားတဲ့ အရောင်လေးအကြောင်းကို ပြောပြပေးသွားမှာဖြစ်ပါတယ်။

            Pantone က တစ်နှစ်တာအကောင်းဆုံးအရောင်ကို ကျပန်းရွေးချယ်ထားတာမဟုတ်ပဲ၊ ခေတ်ရေစီးကြောင်း၊ လူမူအပြောင်းအလဲတွေ၊ နည်းပညာတိုးတတ်မှုတွေ၊ ယဉ်ကျေးမှုဆိုင်ရာလှုပ်ရှားမှုတွေနဲ့  ကမ္ဘာလုံးဆိုင်ရာ လွှမ်းမိုးမှုတွေကို ဂရုတစိုက်ထည့်သွင်းစဉ်းစားရွေးချယ်ထားတယ်လို့ ဆိုပါတယ်။ 

            Pantone ကနေ နှစ်တစ်နှစ်အတွက် ကိုယ်စားပြုအရောင် ကို ထုတ်ပြန်လိုက်တာနဲ့ အဲ့အရောင်က ဒီဇိုင်းလုပ်ငန်းအများအပြားကို လျင်လျင်မြန်မြန်ပဲ စိမ့်ဝင်လွှမ်းမိုးနိုင်ပါတယ်။ ဖက်ရှင်ဒီဇိုင်းတွေ၊ ဒီဂျစ်တယ်ဂရက်ဖစ်ဒီဇိုင်းတွေ၊ ပုံနှိပ်လုပ်ငန်းတွေ ကနေ အိမ်အတွင်းပိုင်းအလှဆင်လုပ်ငန်း၊  ထုတ်ကုန်ထုပ်ပိုးမှုတွေနဲ့ ‌‌ဈေးကွက် လှုံ့ဆော်မှုတွေ အထိ လွှမ်းမိုးနိုင်ပါတယ်။

ဒီတော့ Pantone က 2024 ခုနှစ်အတွက် ဘယ်အရောင် ကို ရွေးချယ်ထားတာပါလဲ?

သူတို့ရဲ့ လေ့လာစမ်းစစ်မှုတွေ အရ 2024 ခုနှစ်အတွက် အ‌ရောင်ကို “Peach Fuzz - မက်မွန်သီး အနုရောင် ” ပါတဲ့ခင်ဗျာ။ 

 “Peach Fuzz” — a light, fruity tone that conjures peace and serenity. “We're going through a lot of turmoil in our lives, and we have a need for a color that's nurturing,”

Leatrice Eisman (Pantone color specialist)

"မက်မွန်သီး အနုရောင်" — ငြိမ်းချမ်းမှုနှင့် တည်ငြိမ်မှုကို ပုံဖော်ပေးမယ့် မက်မွန်သီး အနု လေးရဲ့ ရောင်။ "ကျွန်မတို့ ဘဝမှာ အရှုပ်အထွေးတွေ အများကြီး ကြုံနေရပြီး ပြုစုယုယပေးမယ့် ရောင်တစ်ခု လိုအပ်ပါတယ်" 

 

https://www.pantone.com/color-of-the-year/2024

(Pantone ရဲ့ Website မှာ အသေးစိပ် သွားဖတ်လို့ ရပါတယ်ခင်ဗျာ )

PMS and Other Color Systems

            Pantone က “Peach Fuzz” ရဲ့ အရောင်ကို သူ့ရဲ့ Color System နဲ့ ပြောရင် [ 13-1023 ] လိုပြောပါတယ်။ Pantone Matching System (PMS) ကနေ တခြား color systems တွေကို ပြောင်းရင် အနီးစပ်ဆုံးပဲ ယူလို့ ရတယ်လို့ တချို့ ပြောထားတာတွေ့ရပါတယ်။ ဒီနေရာမှာ Color System တွေကို အနည်းအကျဉ်းတော့ ကြားဖူးကြမယ်ထင်ပါတယ်။ နည်းနည်းလေး ပြောပြရရင် 

• RGB (Red, Green, Blue) : ဒီဂျစ်တယ်မီဒီယာတွေမှာ အများဆုံးသုံးပါတယ်။ ဥပမာ ကွန်ပျူတာ စခရင်, TV, ကင်မရာတွေမှာသုံးပါတယ်။ အနီ၊ အစိမ်း၊ အပြာရောင် အလင်းအားတွေ ဘယ်လောက် ပါတယ်ဆိုပြီးသတ်မှတ်ပါတယ်။
  
  

• CMYK (Cyan, Magenta, Yellow, Key/Black) : ကာလာစုံ ပုံနှိပ်လုပ်ငန်းမှာသုံးအဓိက သုံးကြပါတယ်။ မှင်အရောင် ဘယ်လောက် ရာခိုင်နှုန်းပါတယ်ဆိုပြီး သတ်မှတ်ပါတယ်။
  
  

• PMS (Pantone Matching System) : ပုံနှိပ်လုပ်ငန်း၊ ဖက်ရှင် နှင့် ဒီဇိုင်းနယ်ပယ်တွေမှာ သုံးပါတယ်။ အရောင်တမျိုးချင်းစီကို မတူညီတဲ့ နံပါတ်သတ်မှတ်ပြီး ထုတ်ကုန်လုပ်ငန်းတွေမှာ တသားတည်းဖြစ်အောင် သုံးပါတယ်တဲ့။
  
  

• HEX (Hexadecimal) : Web ဒီဇိုင်းတွေမှာ အဓိကသုံးပါတယ်။ အရောင်တွေကို ဂဏန်း‌ နဲ့ အက္ခရာ ‌(၆) လုံးပေါင်းပြီး သတ်မှတ်ပါတယ်။
  
  

• HSL (Hue, Saturation, Lightness) : အရောင်တွေကို Hue (type of color) အရောင်အမျိုးအစား ၊ Saturation (intensity) ပါဝင်မှုနှုန်း၊ Lightness (brightness) အလင်းပါဝင်မှုနှုန်းတွေ အပေါ်မူတည်ပြီးခွဲခြားပါတယ်။
  
  

• RYB (Red, Yellow, Blue) : ပန်းချီရေးဆွဲတဲ့ နေရာမှာ သုံးပါတယ်။ အရောင်သစ်တခုရဖို့ အနီ၊ အဝါ နဲ့ အပြာ (အဖြူ/အမည်း) အဓိက အခြေခံ အရောင်တွေကို ရောစပ်မှုကို မူတည်ပြီး ခွဲခြားပါတယ်။
  
  

ဒါကတွေ ‌လက်လှမ်းမှီနိုင် တဲ့ Color Systems တွေပဲဖြစ်ပါတယ်။ နောက်ထပ်လည်း အများကြီးရှိပါသေးတယ်ခင်ဗျာ၊၊ ဒီတော့ “Peach Fuzz” ကို Hex Code အနေနဲ့ ပြောင်းကြည့်ရင် အနီးစပ်ဆုံး [#FFBE98] သို့မဟုတ် [#FFB68F] လို့ ရပါတယ်။ ဒီထက် လည်း ကွဲပြားနိုင်ပါသေးတယ်ခင်ဗျာ။ 

            ဒီတော့ 2024 မှာ Trend ဖြစ်လာမယ့် အရောင်လေးနဲ့ ဖက်ရှင် အဝတ်အစား‌တွေဝယ်တာပဲ ဖြစ်ဖြစ်၊ အသုံးအဆောင် လေးတွေဝယ်တာပဲ ဖြစ် ရွေးချယ် ဝယ်ယူနိုင်ဖို့ (သို့မဟုတ်) အများနဲ့ မတူတမူထူးခြားအောင် ရှောင်ပြီး ဝယ်ယူကြစေ နိုင်ဖို့ ကျွန်တော်က လက်တို့ပေးလိုက်ရပါတယ်။

အားလုံးပဲ ဘေးအန္တရာယ်တွေ ကင်းဝေးပြီး ကိုယ် စိတ်ကျန်းမာစွာ တော်လှန်နိုင်ကြပါစေလို့ ဆုတောင်းရင်း .......

Yurnero