သာဒင်ဖူးစာ

 သာဒင်ဖူးစာ

========

Click community တခုဖြစ်တဲ့ #ကလစ်အကြောင်းကြိုက်တာမေး Facebook Group မှာ ကျွန်မတို့ စဆုံတယ်။ စာရေးဝါသနာပါတဲ့ကျွန်မက ကလစ်အကြောင်း၊ ကလစ်ပြိုင်ပွဲတွေအကြောင်း မကြာခဏရေးဖြစ်တယ်။ ကို ကျွန်မကို သတိထားမိသွားတယ်ထင်ပါရဲ့။ Gp မှာ ကျွန်မရေးတင်သမျှတိုင်း ကို့ဆီက comment လေးတွေအမြဲရတတ်တယ်။ လာမေးကြတဲ့သူတွေကို ကျွန်မကိုယ်စား ဝင်ဖြေရှင်းကူညီပေးတယ်။ ပို့စ်တခုတင်ပြီးတိုင်း တက်လာသမျှ comment မေးခွန်းတွေ၊ messenger ဆီ ဝင်လာသမျှ စာတွေ အချိန်မီပြန်မပေးနိုင်တဲ့ကျွန်မ၊ ကို့တယောက်ကျမှ ပြန်ရင်းနှီးမိတာတော့ နည်းနည်းထူးဆန်းသွားလားမသိပါဘူး။

မှတ်မှတ်ရရဆို ပြီးခဲ့တဲ့ ဖေဖော်ဝါရီလောက်က Tha Din Admin ကိုဗစ်ဖြစ်ပြီး page ခေတ္တရပ်သွားတယ်။ App လည်း ads မတက်တော့ဘူး။ Admin ပျောက်သွားတော့ clicker တချို့လည်း စိတ်ပူတဲ့သူပူ၊ ထောက်ပို့စာရင်း မတင်ပြတော့ မယုံတော့လို့ မကလစ်တော့ဘူး ဆိုတာတွေလည်း ရှိကုန်ရော။ ကျွန်မက နီးစပ်ရာ ကလစ်ကာတွေကို သာဒင် ကလစ်မရပ်ဖို့၊ Page ရပ်နေတုန်း App လေးပါ ပျက်မသွားအောင် ဝိုင်းထိန်းထားဖို့တွေ တိုက်တွန်းမိတယ်။ စိတ်ထဲမှာလည်း ယုံကြည်နေမိတာ ကိုသာဒင်တယောက် သူချစ်တဲ့ ကလစ်ကာတွေဆီ ရောက်အောင်ပြန်လာမှာပါလို့လေ။ အဲ့မှာ ကိုက ကျွန်မကို ယုံကြည်ချက် ပြင်းထန်တဲ့မိန်းကလေး၊ ဇွဲကောင်းတဲ့မိန်းကလေးဆိုပြီး ပိုချစ်သွားတာတဲ့ (ဒါက ချစ်သူဖြစ်ပြီးမှ ကို ပြန်ပြောပြလို့ ကျွန်မ သိရတာ)။ ချစ်ရေးဆိုတဲ့နေ့မတိုင်ခင်အထိကို ကျွန်မတို့ ပြောဖြစ်သမျှတွေက ကလစ်အကြောင်းပါပဲ။ ပြောမိတိုင်း မပါမဖြစ်ကလည်း သာဒင်ပဲကိုး။ ကိုက ကျွန်မကို မေးတယ်။ သာဒင်ကို အဲ့သလောက်တောင်ချစ်လားတဲ့။ ငွေမလှူနိုင်တော့တဲ့ ကျွန်မကို Digital Strike လမ်းကြောင်းပေါ် ရောက်စေခဲ့တဲ့ App မို့ အားကိုးတာ၊ ယုံကြည်တန်ဖိုးထားမိတာပါလို့ ပြန်ဖြေခဲ့တယ်။ အဲ့မှာ ကိုက သူ့ရဲ့ သာဒင် Legendary pf ကြီး ထုတ်ပြရောလေ။ ကျွန်မကို စသိကတည်းက ကလစ်ထားတာတဲ့။ ကျွန်မမှာ ရင်တွေခုန်လိုက်ရတာများ ပြန်တွေးရင် ခုထိ နွေးနေသေးတုန်း။ အဲ့တုန်းက ကျွန်မက SG ပဲရှိသေးတာ။ ကိုယ်ခင်မိတဲ့သူက ကိုယ်တန်ဖိုးထားတဲ့အရာကို ထပ်တူတန်ဖိုးထားမှန်း သိလိုက်ရတဲ့ခံစားချက်က အချစ်စိတ်ကိုပါဖြစ်စေသလားပဲ။ အဲ့ဒါကြောင့် သာဒင်ဖူးစာလို့ ကျွန်မ ပြောတာ။

အဲ့လိုနဲ့ပဲ ကျွန်မတို့နီးစပ်သွားခဲ့တာပါ။

လက်ရှိအချိန်မှာ ကျွန်မတို့နှစ်ယောက် PRF Member လည်း ဝင်ထားတယ်။ The PDF Game ကနေတဆင့် မြေပြင်တပ်ရင်းတွေဆီ အဖွဲ့ဝင်ထားပြီး တိုက်ရိုက် ထောက်ပို့တယ်။ ယုံကြည်စိတ်ချရတဲ့ FR တွေကနေတဆင့် ထောက်ပို့မှုတွေလည်း လုပ်နေပါတယ်။

ဒါတွေထက်ပိုပြီး အဓိကအားစိုက်တာကတော့ Digital Strike ပါ။ ကိုက ကျွန်မထက် ပိုအားထုတ်နိုင်တယ်။ သူကိုယ်တိုင်လည်း App အတော်များများမှာ Top role ရောက်တဲ့ထိ Click မပျက်ကွက်တဲ့အပြင် Clicker အသစ်တွေ ထပ်တိုးလာစေဖို့ စည်းရုံးရေးအလုပ်ကိုလည်း ဆက်တိုက်ဆိုသလို လုပ်နေပါတယ်။ Clicker's Corner ဆိုတဲ့ page ကို ဦးဆောင်ပြီး မိတ်ဆွေတွေနဲ့အတူ Clicker တွေအတွက် အရေးကြီးဆုံးဖြစ်တဲ့ premium VPN Support (အခမဲ့) ကူညီ ပေးနေပါတယ်။ Clicker တွေ၊ CDM တွေ၊ PDF နဲ့ UG တွေအတွက် ထောက်ပို့ငွေ လုံခြုံစွာ စီးဆင်းနိုင်အောင် NUGPay acc တွေ မျှဝေကူညီပေးနေပါတယ်။ Click နဲ့ ပတ်သက်လို့ မေးသမျှလည်း ကူညီဖြေရှင်းပေးနေပါတယ်။

တော်လှန်ခရီးရဲ့ အဓိက ထောက်တိုင်ကြီး လေးခု (CDM / PDF / PRF / PCF) အနက်မှာ PCF လို့ ခေါ်တဲ့ People Click Force ဟာ အလွယ်ဆုံးနဲ့ အထိရောက်ဆုံး ထောက်ပို့မဏ္ဍိုင်တရပ်ပါ။ စကစ မပိတ်နိုင်တဲ့နည်း၊ ဘယ်လိုမှ တားမရနိုင်တဲ့နည်းပါ။ လုံးဝ မခက်တဲ့နည်းလမ်းပေါ်မှာ လက်ရှိ ပါဝင်နေသူ Daily Clicker ဦးရေ ၃၀၀၀၀ ဆိုတာ အရမ်းနည်းလွန်းနေတဲ့ပမာဏပါ။ သည့်ထက် သုံးဆလောက်ပဲ ပါဝင်ပေးနိုင်ရင်တောင် ကျွန်မတို့ အမြန် ပွဲပြီးမှာ။

သည်စာလေးကို ဖတ်မိတဲ့သူများထဲမှာ ယနေ့ချိန်ထိ Digital Strike လမ်းကြောင်းပေါ် မရောက်ကြသေးသူများ ရှိရင် ကျွန်မတို့နဲ့ ပူးပေါင်းပါလို့ အနူးညွတ် မေတ္တာရပ်ခံ တောင်းဆိုပါရစေ။

အမှတ်တရပုံလေး ဆွဲပေးတဲ့အပြင် ရင်ထဲကစကားတွေပါ ပြောခွင့်ပေးတဲ့ #BACVA ကို ကျေးဇူးအများကြီးတင်ပါတယ်။

Sai's Khaing

#clickers

#digital_strike

What about me?

What about me?

What about me and you together?

Somethin' that could really last forever

What about me?