Ready Aim Fire

 တစ်ခါတလေ  လုပ်ပေးနိုင်တာရဲ့ အပြင်ဘက်ကို ရောက်နေမှန်း သိရဲ့နဲ့ မလုပ်ပေး နိုင်ရကောင်းလား ဆိုပြီး  စိတ်တိုတဲ့ အခါမျိုးတွေ ကြုံရတယ် မဟုတ်လား ? ။ ကိုယ့်ထက် ပိုလုပ် နိုင်တဲ့သူတွေ ဘာမှ မလုပ်တာမျိုး တွေ့ရင် ပိုပြီး စိတ်တိုရတယ်မဟုတ်လား ?

စိတ်ညစ်တာ၊ စိတ်မကောင်းဖြစ်ရတာတွေကြုံလာရင် ကျွန်တော်က နားကြပ်လေး တပ်ပြီး သီချင်းလေးတွေနားထောင်ပြီး စိတ်ဖြေလေ့ရှိပါတယ်။ ခဏလေးဖြစ်ဖြစ်တော့ စိတ်ပေါ့သွားတယ်ဆိုပါတော့လေ။ ပြီးရင်တော့ လုပ်စရာရှိတာတွေ လုပ်ပါတော့တယ်။ တကယ်တော့ ကျွန်တော်တို့ လုပ်နိုင်တာကို ဆက်လုပ်ပေးနေဖို့က အဓိကပါပဲ။

Just Be The Change !

အားပေးစကားတွေ အများကြီးပြောပေးချင်ပါတယ်။ ဘာပြောရမယ်မှန်းလည်း မသိတော့လို့ပါ။ ဒီတော့ သီချင်းလေးတစ်ပုဒ်ကိုပဲ ပြန်ညွှန်းပေးချင်ပါတယ်။ Imagine Dragons ရဲ့  Read Aim Fire ဆိုတဲ့ သီချင်းလေးကိုပါခင်ဗျာ။ တကယ်တော့ ဒီသီချင်းက Iron-Man 3 အတွက် ရေးသားသီဆိုခဲ့တာတဲ့ဗျ။ ဒါပေမဲ့ နားထောင်ကြည့်ရင် တော်လှန်ရေးလုပ်နေတဲ့ လူငယ်လေးတွေအကြောင်း ပုံဖော်ရေးသားထားတာကိုတွေ့ရမှာပါခင်ဗျာ။

စစ်မိစ္ဆာတွေရဲ့  လက်ကနေ လွတ်အောင် လုပ်ပြီး ပိုကောင်းတဲ့ အခြေနေ တစ်ခုကို တည်ဆောက်ပေးချင်ကြောင်း၊ ဒါပေမဲ့ တစ်ချို့ပြည်သူတွေက ကြောက်ရွံ့စွာနဲ့ ပဲ မိစ္ဆာတွေရဲ့လက်ကနေ ရှုန်းမထွက်နိုင်ကြတဲ့အကြောင်း၊ အမှန်တရားဘက်မှာ မရပ်တည်နိုင်ပဲ ဒီအတိုင်းခေါင်းငုံ့ခံနေကြတဲ့အကြောင်းတွေကို ပြောပြနေတဲ့ပုံစံလေးပေါ့ဗျာ။ အင်ပါယာကြီးတစ်ခုကို ပြိုလဲသွားအောင် တိုက်ခိုက်ပြီး အောင်မြင်ပျော်ရွှင်ရတဲ့ခံစားချက်တွေကလည်း မျက်စိ တစ်မှိတ်အတွင်း ပျောက်ကွယ်သွားရမှာပါတဲ့။ အဲ့ဒီလို အောင်မြင်မှုကို ရဖို့ ပေးဆပ်လိုက်ရတဲ့ အသက်သွေးကိုပြန်လည်တွေးတောရင်း ကြေကွဲရမှာမို့ပါတဲ့။ ဒါပေမဲ့ သူကတော့ အမှန်တရားဘက်ကနေအဆုံးထိ ရပ်တည်ကာ တိုက်ခိုက်သွားမှာ ဖြစ်တဲ့အကြောင်းတွေကို သီချင်းစာသားတွေက တစ်ဆင့်ကြားသိနိုင်ပါတယ်ခင်ဗျာ။

"We don't have the choice to stay, We'd rather die than do it your way

With our backs to the wall, the darkness will fall

We never quite thought, we could lose it all"