Libra - တူရာသီဖွား

General

Libra (စက်တင်ဘာ ၂၃ မှ အောက်တိုဘာ ၂၂)

Element - Air
Planet - Venus
Lucky Number- 6,5,9
Lucky Stone - Diamond, Opal
Lucky Days - Sunday,Monday,Tuesday
Lucky Colour- White Cream
Business Partner- Aquarius
Soul Mate-Sagittarius

Post Credict - မှော်ပညာ - The Magic / Myanmar Zodiacers Facebook Group

About

Libra ရာသီခွင်မွေးဖွားသူများသည် စက်တင်ဘာ ၂၃ မှ အောက်တိုဘာ ၂၂ ကြားဖြစ်ပြီး မြန်မာလိုတူရာသီဟု ခေါ်ဆိုကြပါတယ်။ Element မှာ Air ဖြစ်ပြီး လေဓာတ်ကိုပိုင်ဆိုင်ထားပါတယ်။

---

စီးပွားရေး

Libra ရာသီဖွားများသည် Communication Skill အားကောင်းတတ်ပြီး စီးပွားရေးအကွက်မြင်မှုများ ရှိတတ်ကြပါတယ်။လုံ့လဝီရိယအားကောင်းကြသူများ ဖြစ်ပြီးလိုချင်သော အရာကိုကြိုးစားရယူ ူတတ်ကြသူများဖြစ်ပါတယ်။ ရှေ့ရေးကိုကြိုတွေးကာ အမြဲကြိုးစားနေတတ်သူများ ဖြစ်ကြပါတယ်။ စီးပွားရေးလုပ်ငန်းပါတနာများနှင့်လည်း အကောင်းဆုံးလက်တွဲပြီး ကြိုးစားတတ်ကြသူများဖြစ်ကြပါတယ်။ ရင်းနှီးမြှပ်နှံမှုလုပ်ငန်းများကို ပိုမိုသဘောကျကြလေ့ရှိပြီး Creative အားကောင်းကြသူများ ဖြစ်ကြသောကြောင့် လုပ်ငန်းအပေါ်တွင်ပျော်ပျော်ရွှင်ရွှင် ချစ်မြတ်နိုးစွာလုပ်ကိုင်လေ့ ရှိတတ်ကြပါတယ်။ Lawyer , Stylist , Event Planner , Artist , ကုန်သည်လုပ်ငန်းများ စသည့်လုပ်ငန်းများနှင့်လည်း အထူးသင့်လျော်ပါတယ်။

---

အဓိက အမူအကျင့်များ

Libra ရာသီဖွားများသည် အပေါင်းအသင်းခုံမင်ကြသူများဖြစ်ပြီး ဘဝကိုပေါ့ပါးပျော်ရွှင်စွာ ဖြတ်သန်းတတ်ကြသူများ ဖြစ်ကြပါတယ်။ သူတစ်ပါးရဲ့အခက်အခဲများကို ဖြေရှင်းကူညီပေးရာမှာ အားသာတတ်ကြပြီး စိတ်ထားကောင်းမွန်သောသူများ ဖြစ်ကြပါတယ်။ တစ်ချို့ Libra များသည်မိမိကိုယ်ကို ယုံကြည်မှုအားနည်းတတ်ပြီး သိုသိုဝှက်ဝှက်နေတတ်ကြသူများလည်း ရှိကြပါတယ်။ Sensitive ဖြစ်လွယ်ပြီးနာကျင်မှုများကို ကြိတ်မှိတ်ခါခံစားတတ်ကြပါတယ်။ သူတို့ရဲ့ခံစားချက်များကို ဖုံးကွယ်ထားလေ့ရှိကြပြီး တည်ငြိမ်အေးချမ်းတဲ့ပုံစံမျိုး ရှိတတ်ကြပါတယ်။ စိတ်ထားသိမ့်မွေ့ကြသူများ ဖြစ်ပြီးအလှအပ၊အပြင်အဆင်၊အသန့်အပြန့် အလွန်ကြိုက်နှစ်သက်ကြသူများ ဖြစ်ကြပါတယ်။ Libra ရာသီဖွားများသည် အနုပညာခံစားနိုင်မှုအားကောင်းပြီး ဆွဲဆောင်မှုရှိကာလှပကြော့ရှင်း ကြသူများဖြစ်ကြပါတယ်။ Libra ရာသီဖွားများကိုကြည့်လိုက်လျှင် အမြဲတမ်းတကုပ်ကုပ်ကြိုးစားနေထိုင်တာကို မြင်တွေ့နိုင်ကြပါတယ်။ ကြိုးစားနေကြသူများ ဖြစ်ကြသော်လည်း Libra အများစုသည်လိုအင်လောဘနည်းကြသူများ ဖြစ်ကြပါတယ်။ ရသလောက်နှင့် ရောင့်ရဲတင်းတိမ်နိုင်ကြပြီး တရားမျှတသောတွေးခေါ်မှုပုံစံ ရှိတတ်ကြပါတယ်။ အမြဲတမ်းတက်ကြွနိုးကြားနေတတ်ပြီး မှန်ကန်တိကျမှုကို သဘောကျတတ်ကြပါတယ်။ သို့ရာတွင်အလုပ်နှင့်ပတ်သတ်၍၎င်း လူမှုရေးပိုင်းနှင့်ပတ်သတ်၍၎င်း အချစ်ရေးနှင့်ပတ်သတ်၍၎င်း စိတ်ဖိစီးမှုများရှိတတ်ကြပြီး စိုးရိမ်ပူပန်တတ်ကြသူများဖြစ်ကြပါတယ်။

---

နှလုံးသားရေးရာ

ပေါ့ပါးလွတ်လပ်သူများဖြစ်သည့်အလျောက် အချစ်ရေးတွင် Flirt တာမျိုးကိုလုပ်ရာတာ သဘောကျတတ်ကြပါတယ်။ သူတစ်ပါးအပေါ်နွေးထွေးကြင်နာတတ်သောကြောင့် တစ်ဖက်သား၏မေတ္တာကိုအထူးရလေ့ရှိကြပါတယ်။ သဘောကောင်းကြသူများဟု လွယ်လွယ်ပြောလည်းရနိုင်ပါတယ်။ Libra ရာသီဖွားများသည် ကြင်နာမှုနွေးထွေးမှုများကို ပတ်ဝန်းကျင်သို့အမြဲတမ်း ထုတ်လွှတ်ပေးနေတတ်ကြပါတယ်။အိမ်ထောင်ရေးကံကောင်းကြသူများလည်း ဖြစ်ကြပါတယ်။ စိတ်ထားနုကြသူများဖြစ်ပြီး စိတ်ဆိုးဒေါသထွက်ပြီဆိုပါက တစ်ဆုံးဒေါသထကြီးတတ်ကြတာပဲ ဖြစ်ပါတယ်။ ချစ်ခြင်းတရားကြီးမားပြီး အစွဲအလမ်းကြီးတတ်ကြပါတယ်။ ဒါ့ကြောင့်အချစ်နာကျပြီဆိုလျှင်လည်း တခြားသူများထက်ပိုပြီးခံစားရလေ့ရှိကြပါတယ်။

---

ပညာရေး

Libra ရာသီဖွားများသည်အပတ်တကုပ်ကြိုးစားကြသူများ ဖြစ်သောကြောင့် ပညာရေးပိုင်းတွင်လည်း တော်လေ့ရှိကြပါတယ်။ အနုပညာပိုင်းဆိုင်ရာ စာပေဆိုင်ရာ ဘာသာစကားအသစ်များဆိုင်ရာ ဂီတပိုင်းဆိုင်ရာ ငွေကြေးဆိုင်ရာ စသည့်လုပ်ငန်းများတွင် ပို၍ထူးချွန်လေ့ရှိတတ်ကြပါတယ်။

Post Credict - မှော်ပညာ - The Magic / Myanmar Zodiacers Facebook Group

Bar Nyar

စွမ်းအင်

လေဓာတ် Air Element ဖြစ်ပြီး အနာဂတ်ကိုကြိုတင်မြင်နိုင်ခြင်းများ၊ အိပ်မက်နိမိတ်များဖြစ်ပေါ်တတ်ပါတယ်။ ကိုယ်ပိုင်အရောင်အဝါအားကောင်းတတ်ကြပြီး Healing Power အားကောင်းကြသူများ ဖြစ်ကြပါတယ်။ Zodiac Signs တစ်ခုစီတိုင်းမှာလည်း မတူညီတဲ့ Characters များအပေါ်မူတည်ပြီး အမျိုးအစားများခွဲခြားထားပါသေးတယ်။ Sep 25 to Oct 2 born များသည် Libra 1 များဖြစ်ကြပါတယ်။ သူတို့ဟာ စိတ်အပြောင်းအလဲလွယ်ကြပြီး အလွန် Social ကျကြသူများဖြစ်ပါတယ်။ ဒါ့အပြင် တစ်ခါတစ်လေမှာ တစ်ကိုယ်ကောင်းလည်း ဆန်တတ်ကြပါသေးတယ်။ Oct 3 to 10 born များသည် Libra 2 များဖြစ်ကြပြီး တစ်သီးတစ်သန့်နေတတ်ကြသော်လည်း သူငယ်ချင်းများနှင့် Outgoing လုပ်ရတာတော့သဘောကျကြသူများ ဖြစ်ကြပါတယ်။ စိတ်သဘောထားခံစားချက် အလွန်ကောင်းမွန်ကြပြီး ဥာဏ်ရည်ထက်မြက်မှုအားလည်း အလွန်ကောင်းကြပါတယ်။ Oct 11 to 18 born များသည် Libra 3 များဖြစ်ကြပါတယ်။ မည်သည့်အရာအပေါ်တွင်မဆို အလွန် Serious ဖြစ်လေ့ရှိကြပါတယ်။ သိုသိုဝှက်ဝှက်နေထိုင်တတ်ကြပြီး တည်ငြိမ်ကြသော်လည်း ကြင်နာတတ်သော စိတ်ထားကိုတော့ပိုင်ဆိုင်ထားကြပါတယ်။ အချေစကွက် များကတော့ Libra 3 များပဲဖြစ်ပါတယ်။ ကိုယ်ကျိုးမငဲ့ စာနာတတ်ကြသူများလည်းဖြစ်ပါတယ်။ Libra များ၏နက္ခတ်တာရာ ကြယ်သဏ္ဍာန်မှာ ချိန်ခွင်ပုံစံပဲ ဖြစ်ပါတယ်။

Post Credict - မှော်ပညာ - The Magic / Myanmar Zodiacers Facebook Group

ZODIAC

HOME

DISCLAIMER