Leo - သိဟ်ရာသီဖွား

General

Leo (ဇူလိုင် ၂၃ မှ သြဂုတ် ၂၂)

Element - Fire
Ruling Planet - Sun
Symbol - The Lion
Colour - Golden, Orange, Yellow, Cream, Red
Lucky Stone - Ruby, Amber
Lucky Numbers - 1, 5, 9
Lucky Days - Tuesday, Friday, Sunday
Business Partner - Sagittarius
Soul Mate - Aries, Sagittarius

Post Credict - မှော်ပညာ - The Magic / Myanmar Zodiacers Facebook Group

About

ဇူလိုင် ၂၃ရက်နေ့မှ သြဂုတ်၂၂ ရက် အတွင်းမွေးဖွားသော သိဟ်ရာသီဖွားများကို Leo ရာသီဖွားဟု သတ်မှတ်ထားကြပါတယ်။ ဒြပ်စင်အနေဖြင့် မီးဓာတ် Fire Power ရှိကြပါတယ်။

---

စီးပွားရေး

Leo များသည် မိမိပတ်ဝန်းကျင်ရှိလူအများအတွက် အလုပ်အကိုင်အခွင့်အလမ်းများ တိုးပွားလာစေရန်အတွက် စွမ်းဆောင်ဖို့ရာစီးပွားရှာတတ်ကြပါတယ်။ မိမိကိုယ်ကျိုးအသုံးပြုဖို့ထက် အခြားသူများကိုအကျိုးပြုဖို့အတွက် သူတို့ရှာဖွေစုဆောင်းရသမျှကိုအသုံးချလေ့ရှိကြပါတယ်။ အောင်မြင်လိုစိတ်ပြင်းထန်သော Leo များမှာ မိမိလက်ရှိလုပ်နေသောအလုပ်များမှာအကျိုးမရှိဟု ထင်မိပါက အလုပ်လုပ်ရာ၌ စိတ်ပါဝင်စားမှုများ သိသိသာသာလျော့ကျ သွားတတ်လေ့ရှိကြပါတယ်။Leo များ၏ ခိုင်မာသောရပ်တည်ချက်ရှိမှုကြောင့် အများကြားတွင်ဦးစီးဦးဆောင်မှု ရတတ်သောသူများလည်းဖြစ်ကြပါတယ်။ မခံချင်စိတ်အား ကြီးသောကြောင့် အမြဲတမ်းနည်းလမ်းသစ်များ ရှာဖွေကာကြိုးစားနေတတ်ကြပါတယ်။ အုပ်ချုပ်ရေးပိုင်းဆိုင်ရာ ၊ ဆောက်လုပ်ရေးပိုင်းဆိုင်ရာ လုပ်ငန်းများတွင်ပိုထူးချွန်လေ့ရှိကြပါတယ်။Fashion ဒီဇိုင်းပိုင်းများ ၊ ကျောက်မျက်လောက အပိုင်းများတွင်လည်း အောင်မြင်မှုရရှိနိုင်ပါတယ်။ ဝီရိယအားကောင်းခြင်း ၊ ဇွဲကောင်းခြင်း ၊ စည်းကမ်းကြီးခြင်းများကြောင့် လုပ်ငန်းများတွင်ပိုပြီးအောင်မြင်နိုင်ပါတယ်။

---

အဓိက အမူအကျင့်များ

မိမိကိုယ်ကိုယုံကြည်မှုရှိခြင်း၊ အကောင်းမြင်ဝါဒီရှိခြင်း၊ သဘောထားကြီးခြင်း၊ ကြင်နာတတ်ခြင်း၊ စိတ်ကူးယဉ်ဆန်ခြင်း၊ ချစ်ခင်မြတ်နိုးတတ်ခြင်း၊ တည်ငြိမ်မှုရှိခြင်း၊ စစ်မှန်ခြင်း စသည်တို့မှာ Leo တို့၏ သူမတူသော ကိုယ်ပိုင်ဟန်များပင် ဖြစ်ပါတယ်။ Leo များသည် ကိုယ်ခံအားမြင့်မားတတ်ကြသောကြောင့် ကျန်းမာရေးကောင်းမွန်တတ်ကြပြီး ဖျားနာတဲ့အခါတွင်မူ အများထက်ပို၍လျင်မြန်စွာ ပျောက်ကင်းလေ့ရှိကြပါတယ်။ ဘုရင်ကိုကိုယ်စားပြုသော Lion Symbol ကြောင့် Leo တို့၏ ကောင်းမွန်သောဂုဏ်သတင်းများမှာ အမြဲကျော်ဇောလေ့ရှိကြပါတယ်။ ခေါင်းဆောင်စိတ်ရှိသူများ ဖြစ်ကြပြီးအရာရာစွန့်ဦးစွန့်စား လုပ်ရတာဝါသနာပါတတ်ကြပါတယ်။ မာနကြီးကြသူများဖြစ်ကြပြီး တော်တန်ရုံဖြင့်ကိုယ့်အမြင်အပေါ် ဝေဖန်ထောက်ပြခြင်းကို လက်ခံခြင်းမရှိကြပေ။ Leo ရာသီဖွားများ၏ အတွင်းစိတ်သည် စိတ်ထိခိုက်လွယ်ကြပါတယ်။ သို့သော်အပြင်အပေါ်ယံတွင် အလွန်ခက်ထန်တည်ကြည် သည်ဟုသာထင်ရပါတယ်။ အမြဲတမ်း စိတ်ဖိစီးမှုများရှိနေတတ်ပြီး သူတို့ဟာစိုးရိမ်စိတ်ကြီးမားကြတဲ့ သူများလည်းဖြစ်ပါတယ်။ သူတစ်ပါးအပေါ်တွင်ဖြစ်စေ မိမိကိုယ်တိုင်ဖြစ်စေ စိုးရိမ်မှုများပြီး သိချင်စိတ်ကြီးမားကြတဲ့သူများ ဖြစ်ကြပါတယ်။ ဒါ့ပေမယ့်လည်း သူတို့ဟာပြဿနာအခက်အခဲများ ကြုံပြီဆိုပါကလည်း ဖြေရှင်းနိုင်ကြသူများဖြစ်ပါတယ်။ လျင်မြန်စွာတွေးခေါ်နိုင်စွမ်းရှိပြီး ကိစ္စများ၏အခြေအနေအရပ်ရပ်ပေါ်မူတည်၍ ထက်ထက်မြက်မြက်ဖြေရှင်းနိုင်ကြသူများ ဖြစ်ကြပါတယ်။ သူတို့၏အတွေးအခေါ်အယူအဆများသည် ယောက်ျားဆန်ပြီး တိကျကြသူများဖြစ်ကြပါတယ်။ မည်သည့်နေရာရောက်ရောက် ထင်းခနဲဖြစ်နေပြီး ပေါ်လွင်တောက်ပနေပြီဆိုရင် ဒါဟာ Leo ဆိုတာသိနိုင်ပါတယ်။

---

နှလုံးသားရေးရာ

နွေးထွေးကြသူများဟု ခေါ်ဝေါ်ရလောက်သော နှလုံးသားပိုင်ရှင်များဖြစ်ကြပြီး သူ၏ကိုယ်ချင်းစာတရားများ ကြင်နာသနားတတ်ခြင်းများကြောင့် လူချစ်လူခင်ပေါများလေ့ရှိကာ သူတစ်ပါးကိုအောင်မြင်အောင် တိုးတက်အောင်လုပ်ပေးနိုင်ကြသူများအဖြစ် Leo ရာသီခွင်များဟာ ထင်ရှားကြပါတယ်။ ထို့ကြောင့် လူတိုင်းနီးပါးသည် နူးညံ့သိမ်မွေ့သော Leo ရာသီခွင်များနှင့် မိတ်ဆွေဖြစ်ချင်ကြလေ့ရှိကြပါတယ်။ ချစ်ခြင်းတရားကို မြတ်နိုးကြသူများဖြစ်ပြီး သစ္စာရှိကြသူများဖြစ်ပါတယ်။ ယုံကြည်ချက်ကြီးမားပြီး ခေါင်းအလွန်မာကြသူများလည်း ဖြစ်ပါတယ်။ သို့သော်လည်း ငြင်းရခုံရခြင်းကို မနှစ်သက်ကြသူများဖြစ်ပြီး တစ်ဖက်သားအပေါ််အမြဲအလျော့ပေးတတ်ကြပါတယ်။ တိကျပြတ်သားသူများ ဖြစ်သည့်အတွက်လည်းသူတို့နဲ့ပြိုင်ပြီး ငြင်းမယ်ဆိုရင်တော့သတိထားရမှာ ဖြစ်ပါတယ်။ အရာရာဦးနှောက်နှင့်ဆုံးဖြတ်ကြသူများ ဖြစ်ကြသောကြောင့် လူပျိုကြီး ၊ အပျိုကြီးများဖြစ်လေ့ရှိတတ်ပါတယ်။ ဘဝလက်တွဲဖော်ရှိလာပြီဆိုရင်လည်း အပေါ်ယံသာမန်အချစ်မျိုးမဟုတ်ဘဲ တကယ်နွေးထွေးပြီးဂရုစိုက်တတ်သူများ ဖြစ်ကြပါတယ်။ သတ္တိရှိရှိဝန်ခံတတ်သူများကို သဘောကျလေ့ရှိတဲ့ပုံစံမျိုး ရှိကြပါတယ်။ Romance ဖြစ်ရတာကိုလည်း သဘောကျတတ်ပြီး တစ်ဖက်ပါတနာကမိမိအပေါ် စွဲလမ်းခြင်းကိုလည်းအထူးနှစ်ခြိုက်ပါသေးတယ်။

---

ပညာရေး

ထူးချွန်ထက်မြက်သူများဖြစ်သည့်အလျောက် ပညာရေးပိုင်းဆိုင်ရာတွင်လည်း ပြောစရာမလိုအောင်တိကျ ကြသူများဖြစ်ပါတယ်။ နိုင်ငံရေးနှင့်ပတ်သတ်သော အုပ်ချုပ်မှုလုပ်ငန်းများတွင် တည်ကြည်ပြတ်သားသော Leo များသည်နေရာယူထားနိုင်ကြပါတယ်။ မည်သည့်နယ်ပယ်တွင်မဆို ဦးဆောင်နိုင်ကြသောကြောင့် ခေါင်းဆောင်ဖြစ်ဖို့ မွေးဖွားလာသလားအောက်မေ့ရပါတယ်။

Post Credict - မှော်ပညာ - The Magic / Myanmar Zodiacers Facebook Group

Bar Nyar

စွမ်းအင်

Element Fire ဖြစ်ပြီး မီးဓာတ်စွမ်းအားကြီးမားသော Power ရှိပါတယ်။ ရဲ့ဝံ့ပြတ်သားသူ Leo များသည်မီးကဲ့သို့ အမြဲတောက်လောင်နေတတ်ပြီး တဇွတ်ထိုးနိုင်တတ်ကြပါတယ်။ မာနကြီးပြီး ကိုယ်ပိုင်အရောင်အဝါများကို အခြားသူများခံစားမိစေနိုင်ပါတယ်။ Zodiac Signs တစ်ခုစီတိုင်းမှာလည်း မတူညီတဲ့ Characters များအပေါ်မူတည်ပြီး အမျိုးအစားများခွဲခြားထားပါသေးတယ်။ July 26 to Aug 2 born များသည် Leo 1 များဖြစ်ကြပါတယ်။ အလွန်သစ္စာရှိတဲ့ ဆရာသမားများပဲဖြစ်ကြပါတယ်။ နှစ်လိုဖွယ်ညှို့အားကောင်းကြပြီး ဆွဲဆောင်မှုရှိကြသူများပဲဖြစ်ပါတယ်။ Aug 3 to 10 born များသည် Leo 2 များဖြစ်ကြပြီး တည်ငြိမ်ကာသီးသန့်ဆန်ကြသူများ ဖြစ်ပါတယ်။ ကြင်နာတတ်ကြကာ ရှက်တတ်ကြသူများလည်း ဖြစ်ပါတယ်။ မိန်းကလေးဆိုရင်တော့ တည်ငြိမ်သူမဟာဆန်သူဟု တင်စားနိုင်ပါတယ်။ Aug 11 to 18 born များသည် Leo 3 ဖြစ်ပြီး Creative အားကောင်းကြပါတယ်။ သဘောကောင်းသည်ဆိုသော်လည်း အနည်းတော့တစ်ကိုယ်ကောင်းဆန်တတ်ကြပါတယ်။ လူမှုဆက်ဆံရေးတော်ကြတာကတော့ Leo သမားများပဲဖြစ်မယ်ဆိုတာကတော့ အသိပါပဲ။ Leo များ၏နက္ခတ်တာရာ ကြယ်သဏ္ဍာန်မှာ ခြင်္သေ့ပုံပဲဖြစ်ပါတယ်။

Post Credict - မှော်ပညာ - The Magic / Myanmar Zodiacers Facebook Group

ZODIAC

HOME

DISCLAIMER