Manchester Bee

မန်ယူအသင်းက ဒီနေ့ Profile Picture ပြောင်းခဲ့ပါတယ်။ အဲ့တာက ဘာကို ရည်ညွှန်းချင်တာလဲဆိုတာကို မသိသေးတဲ့သူတွေအတွက် အကျဉ်းချုပ်လေးပြောပြပ့ါမယ်ခင်ဗျာ။

လုပ်သားပျား အမှတ်အသား ကတော့ 1800 ခုနှစ်များကတည်းက  ဂုဏ်ယူစရာ Mancunian အမှတ်အသား တစ်ခုဖြစ်ခဲ့ပါတယ်။

2017 ခုနှစ် May လ၊ 22 ရက်နေ့ Manchester Arena မှာ Ariana Grande ရဲ့ ဖျော်ဖြေပွဲ အတွင်း အကြမ်းဖက်သမားတစ်ဦးက ဗုံးဖောက်ခွဲပြီး တိုက်ခိုက်ခဲ့ပါတယ်။ တိုက်ခိုက်ခံရမှုအတွင်း လူ ၂၂ ဦးသေဆုံးခဲ့ပြီး ရာနဲ့ချီ ဒဏ်ရာရရှိခဲ့ပါတယ်။

 တိုက်ခိုက်မှုပြီးတဲ့နောက်မှာတော့ Sam Barber လို့ခေါ်တဲ့ အမျိုးသမီးတစ်ဦးရဲ့ စိတ်ကူးကို အခြေခံပြီး ဒေသတွင်း ရာနှင့်ချီတဲ့ တက်တူးအနုပညာရှင်များရဲ့ အကူအညီနဲ့ ဗုံးပေါက်ကွဲမှုကြောင့် သေဆုံးသူများ၊ မိသားစုများနှင့် အသက်ရှင်ကျန်ရစ်သူများ အတွက် လုပ်သားပျားတက်တူးထိုးခြင်းဖြင့် ပေါင်တစ်သန်းခွဲကျော် ရှာဖွေလှူဒါန်းနိုင်ခဲ့ကြပါတယ်။

ဒီလောက်ဆို ပျားတက်တူးထိုးထားတဲ့ လူတွေကို တွေ့ရင် ဒါမှမဟုတ် ပျား အမှတ်အသားကိုတွေ့ ရင် ဘာကိုဆိုလိုချင်တာလဲ ဆိုတာသိနိုင်ပါပြီခင်ဗျာ။ အသေးစိတ်ကိုတော့ Manchester Arena Attack ဆိုပြီးရှာကြည့်နိုင်ပါတယ်ခင်ဗျာ။