James Webb's first Picture

James Webb အာကာသကြည့်မှန်ပြောင်းကနေ ပထမဆုံးဓာတ်ပုံကို ရိုက်ယူနိုင်ခဲ့ ပါပြီတဲ့ခင်ဗျာ။

NASA မှ မနေ့ အစောပိုင်းတွင် ထုတ်ပြန်ခဲ့တဲ့ ရုပ်ပုံဟာ ကြယ်တစ်လုံးတည်းကို ရိုက်ယူထားတဲ့ ပုံဖြစ်ပါတယ်။ ဒါပင်မဲ့လို့ ၁၈ လုံး အဖြစ် မြင်ရတာက  တယ်လီစကုပ်ရဲ့  အဓိကကြည့်မှန် အပိုင်းတစ်ခုစီမှ ရောင်ပြန်ဟပ်နေသော အလင်းပုံရိပ်တွေကို ပေါင်းစပ်ထားတာကြောင့်ဖြစ်ပါတယ်။ 

အဲ့တော့ဗျာ လာမည့် ရက်တွေအတွင်းမှာ အင်ဂျင်နီယာတွေက  ၎င်း ဆဋ္ဌဂံအပိုင်း ၁၈ ခုစလုံးကို  သေးငယ်တဲ့  ချိန်ညှိမှုများ ဆက်တိုက်ပြုလုပ်မှာဖြစ်ပါတယ်။ 

ဒီပုံကို ကြည့်ပြီး အင်ဂျင်နီယာတွေက  မှန်အပိုင်းများကို တစ်ထပ်တည်းကျအောင် ချိန်ညှိကြမှာ ဖြစ်ပါတယ်ခင်ဗျာ။

ပုံမှာပါတဲ့ ကြယ်ကိုတော့ HD 84406 ခေါ်ပါတယ်။ Ursa Major ကြယ်စုရှိ တောက်ပသောကြယ်ဖြစ်ပါတယ်။  အနီးနားမှာ ကြယ်များမရှိတာကြောင့် အင်ဂျင်နီယာများက ၎င်းကြယ်ကိုရွေးချယ်ခဲ့ကြတာပါတဲ့။

Ursa Major Constellation

James Webb Telescope ကနေ  ဓာတ်ပုံကို ဖေဖော်ဝါရီ ၂ ရက်မှာ စတင်ရိုက်ကူးခဲ့တာဖြစ်ပြီး ၂၅ နာရီအတွင်း ကမ္ဘာမှမြင်ရသည့် လ၏အရွယ်အစား လောက်ရှိမယ် အာကာသအတွင်း နေရာ ၁၅၆ ခုကို ချိန်ရွယ် ရိုက်ကူးထားတာပါတဲ့ခင်ဗျာ။ စုစုပေါင်း ပုံပေါင်း ၁ ၅၆၀ ကို ရယူခဲ့ပြီး အကြမ်းဖျင်းအားဖြင့် ၂ ဘီလီယံ pixels ရှိသော mosaic (ပေါင်းစပ်ထားတဲ့ပုံ ) အဖြစ် ပေါင်းစပ်ထားတာပါ။

လောလောဆယ်မှာတော့ တယ်လီစကုပ်ရဲ့  အဓိကကြည့်မှန် အပိုင်းတစ်ခုစီသည် ၎င်း၏ကိုယ်ပိုင်တယ်လီစကုပ်ကဲ့သို့ လည်ပတ်လျက်ရှိနေမှာ ဖြစ်ပါတယ်။ ချိန်ညှိပြီးတဲ့ နောက်မှာတော့ ကြည့်မှန်တွေက  မှန်တစ်ခုတည်းအဖြစ် အတူတကွလုပ်ဆောင်မှာပါ။

အစီအစဉ်အတိုင်းသာဆိုရင်တော့ တယ်လီစကုပ် က နွေရာသီမှာသုတေသနအရည်အသွေးပုံများကို စတင်ရိုက်ကူးနိုင်မှာဖြစ်ပါတယ်တဲ့ခင်ဗျာ။ 

ကိုယ်လူတို့ကို နည်းနည်းမေးချင်ပါတယ်။ 

Q . ကျွန်တော့်တို့လူသားတွေက ကိုယ်တွေမရောက်နိုင်တဲ့ ကမ္ဘာ‌သစ်တွေကို ဘာလို့ ရှာဖွေနေကြတာပါလဲ။