စတေးခံ မျိုးဆက်

(Facebook မှ ကူးယူ ဖော်ပြပါသည်။)

(Photo – http://www.claimscon.org)

အပေါ်ပုံက ဟစ်တလာရဲ့ Concentration Camp ငရဲခန်းတွေမှာ နှိပ်စက် ညှဉ်းပန်းခံခဲ့ရတဲ့ အစ္စရေးအမျိုးသမီးတွေ ဖြစ်ပါတယ်။

အောက်ကပုံကတော့ အဲဒီအမျိုးသမီးကြီးတွေရဲ့ မျိုးဆက် အမျိုးသမီးလေးတွေ ဖြစ်ပါတယ်။

(Photo – The Israel Democracy Institute)

ဒုတိယကမ္ဘာစစ်အတွင်းက ဂျူးတွေဟာ နာဇီတွေပြုသမျှ နုခဲ့ရတဲ့ သိုးကလေးတွေ။ အစ္စရေးနိုင်ငံရယ်လို့တောင် မဖြစ်တည်သေး။

ဒါပေမယ့် ခုခေတ်၊ ခုကာလမှာတော့ စစ်ရေးဗျူဟာမှာ တကယ့်ထိပ်တန်း၊ အာရပ်-အစ္စရေး (၆) ရက်ကြာစစ်ပွဲရော၊ အီရတ် နျူဓါတ်ပေါင်းဖိုကြီးကို F16, F15 စုစုပေါင်း (၈) စီးကိုပဲသုံးပြီး ပဲ့ထိန်းမပါတဲ့ ဗုံးနဲ့ ကွက်တိကျအောင် ကြဲချနိုင်တဲ့ စစ်ရေးစွမ်းရည်တွေနဲ့ ရန်သူတွေအလည်မှာ ခေါင်းမော့ပြီး နေရဲတဲ့သူတွေဖြစ်လာပြီ။

ရန်သူတွေ ပတ်ချာလည် ဝိုင်းနေပေမယ့် အစ္စရေးနိုင်ငံကို မထိရဲ၊ မတို့ရဲ။ ကန္တာရထဲမှာ အသီးအနှံရအောင်စိုက်ပြီး ရန်သူတော်အပေါင်းကို ကြံ့ကြံ့ခံနိုင်တယ်။

ပြောချင်တာက နိုင်ငံတစ်ခု တည်ထောင်တဲ့အခါ ဒုက္ခပေါင်းစုံကို ခါးစီးပြီးခံရတဲ့ စတေးခံ မျိုးဆက်ရှိတယ်။ အဲ့ဒီမျိုးဆက်ဟာ အရမ်းကို အရေးကြီးတယ်။ အဲ့ဒီစတေးခံမျိုးဆက်ဟာ နောင်အနာဂတ်မျိုးဆက်အကျိုးကို မျှော်ကိုးပြီး လုပ်သင့်လုပ်ထိုက်တာ မှန်သမျှကို ရေကုန်ရေခမ်း ပေးဆပ်ခဲ့ပါမှ နောင်လာမယ့် သား၊ သမီး၊ မြေး၊ မြစ်တွေ နေထိုင်ရမယ့် နိုင်ငံတော်ဟာ သာယာမယ်၊တိုးတက်မယ်။

–

–

အခု ကျွန်တော်တို့တွေဟာ စတေးခံမျိုးဆက်ပဲ…